Velkommen til eit nyttig hjelpemiddel i undervisninga

Vannkunnskap.no kan hjelpe deg med å finne godt fagleg stoff om vatn.

Sidene vil kunne dekkje fleire kompetansemål etter 7. og 10. klassesteg i faga naturfag og samfunnsfag. Under samfunnsfag er kompetansemål for geografi særleg aktuelle

Kunnskapsløftet legg vekt på opplæring i bærekraftig utvikling. Vannkunnskap.no byggjer opp under dette. Forankringa til rammeverk og dokument finn du her:

• Menneskedimensjonen, generell del av læreplanen
  • Det miljøbevisste mennesket
• Læringsplakaten
  • Å nytte lokalsamfunnet i opplæringa
• Grunnleggjande ferdigheiter blir stimulerte
  • Lesing, skriving, rekning og bruk av digitale verktøy
• Fag og kompetansemål
  • Naturfag, til dømes forskarspira, fenomen og stoff og mangfald i naturen
  • Samfunnsfag, spesielt geografi, er fleire kompetansemål aktuelle

Læreplanen legg vekt på prinsippet om at lokalsamfunnet skal brukast som læringsarena. Fleire kommunar har eigne informasjonsmedarbeidarar som kan kontaktast av den enkelte skulen. Nokre kommunar har også laga eigne opplegg med synfaring for skuleklassar. Ta kontakt med heimkommunen for nærare opplysningar.

Vannkunnskap.no gir informasjon om yrkesval innan fagfeltet vatn og avløp. Informasjonen finn du i menyen under For rådgjevarar.

Nettstaden har nyttige lenkjer som gir endå meir bakgrunnsinformasjon til fordjuping.
 

Vatnflasker delast ut

Norsk Vann sender ut drikkevatnflasker til skuleklassar som arbeider med vatn og aktivitetar knytt til vannkunnskap.no. Flaskene er lyseblå med kvit trykk av "Norsk Vann" og nettadressa til vannkunnskap.no. Flaskene kan forhåpentleg fungere som inspirasjon og motivasjon for klassane.

Ta kontakt med Norsk Vann på post@norskvann.no og gje opp følgjande; kontaktperson, antal flasker, vitjingsadresse (der flaskene skal leverast) og ei kort forklåring av korleis vannkunnskap.no skal nyttast i undervisninga.